Tơ̆ hop akŏm, bơngai tang măt ăn dôm anih jang kơpal pơma nuh, hơlen năng rim tơdrong găh kơjă tơmam tơ̆ dêh char. Kiơ̆ đơ̆ng noh, dôm anih jang kơpal hlôi tơlĕch lơ trong jang tơm gĭt kăl vă hơnơ̆ng vei lăng ‘lơ̆ng yă tĕch tơmam tơ̆ hơnăp kơnh, nhen hơtŏk tơdrong dăr lăng, tơdra hơdrol tơ̆ anih tĕch mơdro; kơchăng hơmet tôm tơmam yoa kăl; hơtŏk tơdrong dăr lăng, vei lăng yă tĕch; tơtom sek tơlang dôm tơdrong mong ôn tơmam, hơtŏk yă tĕch ưh kơ trŏ.

Ƀok Phạm Anh Tuấn, Kơdră Anih vei lăng kon pơlei dêh char Gia Lai athei dôm anih jang, tơring tơrang tơlĕch lơ trong vei lăng yă tĕch mă ‘lơ̆ng, sek tơlang tơpăt dôm tơdrong pơm glăi, vă xa pơgâm ăn kơdih, ôn tơmam, pơm tơsul tơsăl dăh mă hơtŏk yă tĕch ưh trŏ; anih tech mơdro pơm glăi tơdăh dêh ‘nŏh vă iŏk pơdreu hloi hla ar asong jang xa, ưh đei jô̆ anih yơ.