Tơchơ̆t ăn pơnă brŏk hrôih sơnăm 2026 hơnơ̆ng sơkơ̆t hơdăh trong jang kăl: sơđơ̆ng iung jang hơdoi kơjăp ƀar păh jang kiơ̆ kơhret kơjăp kơ Khôi luơ̆t hăm trong jang ‘mêm mơnat, đei rơvơn; tơdrong lăng hơlen ăn brŏk hrôih đei jang kiơ̆ hơlen kơtang, ƀlep bơngai, atŭm hăm vei kơjăp tơdrong trŏ lăp, sơđơ̆ng tơpôl. Mă kăl, tơdrong pơjing Tơchơ̆t ăn brŏk hrôih hloi lơ̆m năr bơ̆ jang mă blŭng đơ̆ng Kơdră chĕp pơgơ̆r teh đak jăl 2026-2031 hlôi tơbăt hơdăh trong jang trŏ lăp đơ̆ng Đảng păng teh đak bơ̆n: jang kiơ̆ kơjăp Khôi luơ̆t, vei kơjăp pơm kiơ̆ ‘lơ̆ng, tơdrong tơchơ̆t teh đak, adoi jang kiơ̆ trong jang ‘mêm mơnat dih băl, tơklep kơjăp hăm tơdrong vei lăng tơpôl; sơđơ̆ng tơdrong hơtŏ hơnơ̆ng dih băl ƀar păh tơdrong pơm kiơ̆ kơjăp kơ khôi luơ̆t  hăm tơdrong ‘mêm mơnat dih băl lơ̆m tơchơ̆t jang păng jang kiơ̆, lăng truh sơđơ̆ng tơpôl păng atŏk tơ iung kơjăp ‘lơ̆ng kơ teh đak.