‘Nâu jĭ tơdrong jang ling lang đei tơlĕch jang hrôih, hơdai hăm jing tơdrong hơiă sơng đei tơdrong bơngơ̆t truh đơ̆ng bơngai jang chih tơroi pơre nơ̆r. Sơnăm ‘nâu, tơdrong ‘nâu akŏm 26 khŭl pơlong hăm lơ bơngai jang gơh hơgei, hlôi iŏk đei jơnei ‘lơ̆ng kiơ̆ rim ‘măng pơlong. Jơ pơih pơre đơ̆ng 30 truh 45 pơnĭt pơm tơdrong hiôk vă rim anih jang tơƀôh tơdrong ‘lơ̆ng lơ̆m ƀai pơre, tơdrong gơh hơmet ‘lơ̆ng tơdrong đei ƀôh păng jơhngơ̆m nuih pơre nơ̆r kơtă.

Kiơ̆ kơ hơlen lăng đơ̆ng Khŭl châm pơlong, dôm khŭl pơlong hlôi kơchăng tơgep kơtơ̆ng ang găh trong jang tơgŭm đơ̆ng Đảng păng Teh đak, mă loi ‘noh jĭ tơdrong pơm hơdăh ‘lơ̆ng Tơdrong tơchơ̆t Hop akŏm Đảng ‘măng mă XIV lơ̆m tơdrong hơrih sa. Lơ tơdrong yan âu nhen “hơnih tơhlăk” lơ̆m tơdrong jang khŭl kơdră chĕp kơ̆l 2 tăl păng trong jang hơmet pơ ‘lơ̆ng kŭm đei tơroi tơpăt, tơroi rơđăh đơ̆ng pơre nơ̆r ‘nao.