Tơ̆ hơnăp tơdrong pơkoel kơtang lơ̆m hơmet pơ ‘lơ̆ng “kơthe dreng” đơ̆ng Hơnih bơ̆ jang châu Âu (EC), dêh char Dak Lăk tok bok tơlĕch jang kơtang rim trong jang tang găn rôp ka hơdang glăi, ưh tơroi tơbăt păng ưh kơ kiơ̆ tơdrong tơchơ̆t (IUU), hăm tơdrong tơm ‘noh dăr lăng khul duk păng tơbăt hơdăh găh ka hơdang chă dăng rôp đơ̆ng yơ. Lơ̆m dêh char hrei ou đei 2.576 tong duk apĭnh năm rôp ka hơdang, đĭ đăng hlôi ăn hla bơar asong năm rôp ka hơdang; đĭ đăng rim duk đơ̆ng 15 met năm tơ̆ kơjung hlôi pơlăp kơmăi lăng hơlen duk kơdou păng đei vei lăng kơjăp. Đơ̆ng sơnăm 2024  truh dang ei, khul bơ̆ jang hlôi sek phak 119 ‘nu bơngai pơm glăi, găh lơ đei ƀơm truh lăng ưh kơ ƀôh kmăi kmŏk hơlen duk kơdou păng dăng rôp ka hơdang glăi tơring. Bơ̆ jang hơlen băt hơdăh ka hơdang đei iung jang kơtang păng chih tơbăt hăm kmăi kmŏk điên tư, sơđơ̆ng dăr lăng kơjăp dôm ka hơdang tơ̆ dơnŏk duk. Khei năr kơnh, dêh char Dak Lăk hơnơ̆ng iung jang kơjăp hloh dơ̆ng dăr lăng, xek phak tơdrong glăi păng atok kơtang pơrô̆ tơbăt pơm hơtŏk jơhngơ̆m đon hlôh vao ăn kon pơlei rôp ka hơdang, lăng truh hơmet pơ ‘lơ̆ng “Kơthe treng” kơjăp ‘lơ̆ng.