Kơsơ̆ năr 8/4, pơtoi kơ tơdrong jang ăn 'Măng hop akŏm mă Mônh, Kuô̆k hô̆i jăl 16, rim bơngai tang măt pơma đam tơ̆ khul gah 3 tơdrong chih hơmet luơ̆t đei: Luơ̆t Hơnih tơm, Luơ̆t Pơlong, pôk hơpah păng Luơ̆t Tơdrong lui. Lơ̆m noh, Chih akŏm Luơ̆t Hơnih tơm (hơmet tơplih) đei sơkơ̆t kăp gĭt gah hơtŏk pơkăp sơnong pơgơ̆r ăn Hà Nội, atŭm hăm vei sơđơ̆ng bơngai jang, tơchơ̆t dăr hơlen păng sơnong jang tơblang hơdah.

Dôm tơchơ̆t jang pơklaih rim hơnih tơhlăk tơhlĭn gah trong nơnăm, cham char, tơring kơdrơ̆m păng hơvơn jên jang vă hơtŏk tơ-iung kơjăp sơđơ̆ng. Tơgop nơ̆r lơ̆m Luơ̆t Hơnih tơm (hơmet tơplih), Kơdră Kuô̆k hô̆i  Trần Thanh Mẫn ăn tơbăt, gah chih akŏm Luơ̆t 'măng mă ou athei pơkăp sơnong pơgơ̆r tôm tong ăn jơnŭm pơgơ̆r plei tơm Hà Nội kiơ̆ pơkăp: Hà Nội tơlĕch tơchơ̆t, Hà Nội jang, Hà Nội pŭ sơnong. Kơdră Kuô̆k hô̆i tơbang minh ƀar tơdrong kăp gĭt lơ̆m chih akŏm luơ̆t nhen: Pơih să pơkăp iŏk yua khôi luơ̆t; chih tơmơ̆t sơnong chiu pŭ khôi luơ̆t; pơjing hơnih jang hanh chinh mŭk drăm kăp gĭt; hơtŏk sơnong pơgơ̆r  jơnŭm jang ăn Jơnŭm pơgơ̆r kon pơlei pơlei tơm