Lơ̆m khei 3/2026, kơjă lơ tơmam ming man tŏk kăp nhen thep tŏk 11–14%, xi măng tŏk jê̆ 14%, như̆a drơh trong tŏk hloh 30%, kap unh hơyuh tŏk 30–40%, pơm ăn lơ hơnih iŏk ming man kơplah kơplơt. 'Nguaih kơ noh, tơmam ming man trŏ pơkăp, mă kăl noh chuơh ming man oei tơjruh.

Hăm tơdrong đei ƀôh ou, dêh char pơgơ̆r hăm dôm hơnih jang chih akŏm, tơbang kơjă tơmam ming man mă hơdah; hơlen chih pơkăp gah kơjă sơđơ̆ng; atŭm hăm noh hơtŏk tơdrong iŏk yua chuơh nhơ̆n tăo păng hơmet dôm hơnih kôch chuơh mă 'lơ̆ng. Gia Lai adoi pơkăp kơsô̆ điê̆n thuăi kăl vă hơlen lăng tơdrong pơgơ̆m pơjĭp gah hoă đơn, vei sơđơ̆ng tơdrong asong păng tơdrong tơlĕch ming man dơnơm.