‘Măng hop akŏm akŏm set hơlen tơdrong bơ̆jang tơlĕch jang Tơdrong tơchơ̆t kơsô̆ 18-KL/TW găh hơtŏk tơiung mŭk drăm - tơpôl, jên hu teh đak, kŭm hăm tơdrong hơmet pơ ‘lơ̆ng tơhlăk tơhlĭn tơ̆ dôm tơdrong jang oei đei. Pơma hơdăh ‘nâu jĭ ‘măng hop akŏm mă blŭng đơ̆ng rŏng kơ hơmet ‘lơ̆ng tôm Khŭl kơdră teh đak jăl jang 2026–2031, Thủ tướng Lê Minh Hưng athei rim bơngai jang lơ̆m khŭl tơtĕnh pơtơm mơ̆t bơ̆jang lơ̆m khei ‘năr lơ hơnăp jang kăl hai, đunh đai hai.

Kiơ̆ đơ̆ng dăr hơlen, dang ei lơ̆m teh đak oei dang 1.500 tơdrong jang tơƀơ̆p pơmat tat, tơhlăk tơhlĭn. Thủ tướng pơjao kơ Anih pơvih pơvăn ăn Khŭl kơdră teh đak păng Anih tơm Chĭnh trĭ pơgơ̆r, jang hơdai hăm dôm anih tơm, anih jang, tơring, hăm tơdrong pơgơ̆r đơ̆ng Phŏ Thủ tướng Nguyễn Văn Thắng, chih pơkeh hla ar roi tơbăt pơtruh ăn anih gơh kĭ ăn, hơdai hăm athei pơih să tơdrong hơmet pơ ‘lơ̆ng vă pơm hiôk jên jang, veh ver brăh brư mŭk tơmam đơ̆ng teh đak, anih mơdro sa păng kon pơlei.