Tơdrong mă Gia Lai pơgơ̆r sơnăm tơmang pơhiơ̆ kơ teh đak 2026 tŏk bŏk oei pơm trong hiôk vă hơnih jang tơmang pơhiơ̆ hơtŏk tơ-iung, pơih să tơdrong tơbang um rup păng hơvơn tơmoi truh. Hăm hơnăn “Bri kông brơih đak dơsĭ jơk”, Gia Lai tŏk bŏk oei pơkăp pơjing minh cham char tơmang pơhiơ̆ tơguăt đơ̆ng groi kông păng tơring jih đak dơsĭ, đơ̆ng cham char să truh tơ̆ joh ayŏ kăp gĭt.

Rim hơnih jang mŭk drăm tơmang pơhiơ̆ bơnê kơ mŭk drăm Gia Lai, mă kăl noh dôm tơmam drăm tơmang pơhiơ̆ cham char, joh ayŏ păng hŏk hơlen. Mă lei, vă jang đei jơnei, kăl đei tơdrong tơguăt kơjăp hloh đơ̆ng tơring, hơnih jang mŭk drăm păng hơnih jang pơtho tơdrong jang.