Tơbăt hơdăh 12 khul tơdrong jang, trong jang kăl lơ̆m khei năr kơnh, Thủ tướng Lê Minh Hưng athei drơ̆ng mĭnh nơ̆r jơhngơ̆m đon tơchĕng, hlôh vao, hơpơi ‘meh vă păng iung jang vă jang kiơ̆ trong tơlĕch jang tŏk mŭk drăm “2 kơsô̆”, lơ̆m ou mă kăl pơma hơdăh chă hơvơn păng iŏk yoa jơnei rim kon jên hu ăn atok tơ iung; hơdrin thuê̆ ăn hơnih mong jên jang teh đak tŏk 10%; pơkom hloh 10% tơlĕch kon jên jang hơnơ̆ng; adoi akŏm hơmet pơ ‘lơ̆ng tĕnh koăng, keh đang tơhlăk tơhlĭn ăn rim tơdrong vă jang iung jang tim mă keh đang đunh khei ‘năr đei ƀơm truh groi teh, ŭnh hơyuh đơ̆ng dôm năr blŭng kơ jăl jang Khul kơdră chĕp pơgơ̆r ‘nao. Lơ̆m khei 4, jang keh đang dăr lăng, tơmơ̆t dơ̆ng păng pơjao trong jang tŏk mŭk drăm lơ̆m rim tơdrong jang ăn rim tơring, grŭp jang, hơnih mơdro sa kơ teh đak sơnăm 2026 păng jăl jang 2026-2030. Thủ tướng pơma hơdăh, lơ̆m sơnăm 2026 gô iung jang kơtang dăr lăng hơlen rim khôi luơ̆t păng tơ iung pơjing trong jang kăl khôi luơ̆t Việt Nam lơ̆m chăl hle, tơlĕch jang kiơ̆ ‘lơ̆ng rim tơdrong tơchơ̆t, trong jang kăl  tơ̆ tơring đei ƀôh jĭ ƀlep vă tơlĕch jang kiơ̆ hloi lơ̆m teh đak.