Dôm tơdrong tơhlăk tơhlĭn lơ̆m tơlĕch jang hơdoi, hơmet pơ ‘lơ̆ng hơgăt teh iung jang păng pơm hla bơar tơmơ̆t jên jang kăl đei xek tơlang keh đang vă sơđơ̆ng ăn tơlĕch jang ‘lơ̆ng hơ iă. Kiơ̆ đơ̆ng rim hơnih bơ̆ jang dêh char Khánh Hòa, lơ tơdrong vă jang tih, tơdrong vă jang kăl tơ̆ dêh char, tŏk bŏk tơlĕch jang hiơ hiơ̆, tơhlăk tơhlĭn đơ̆ng jơ ‘năr pơjao hơdrar, chă pơtŏ, chih hơlen groi teh, xơkơ̆t hơdăh tơm a la chă găh teh. Lăp đơ̆ng rŏng lăng hơlen rim tơdrong vă jang tơlĕch jang hiơ hiơ̆, ƀok Nguyễn Việt Hùng, Kơdră chĕp pơgơ̆r Hơnih vei lăng kon pơlei dêh char Khánh Hòa tơbăt, dêh char gô tơlĕch jang kơtang lơ̆m pơgơ̆r jang kiơ̆, mă kăl ‘noh hơmet ming trong jang hơdoi tim mă kơjăp ƀar păh rim hơnih jang, bơngai tơmơ̆t jên jang, veh ver tơdrong apĭnh iŏk jang lăp vă gơ̆t hơnih jang.