Kơsơ̆ năr 14/1, Hơnih chĕp pơgơ̆r Khul Ƀô̆ đô̆i dêh char Dak Lăk hlôi pơgơ̆r hop akom tơbăt hơdăh rim tơdrong tơchơ̆t đơ̆ng Hơnih tơm Ƀô̆ đô̆i păng Hơnih tơm Pơchoh trong jang găh hơmet ming Khul kơdră chĕp pơgơ̆r Khul Ƀô̆ đô̆i tơring, trŏ lăp hăm tơdrong jang lơ̆m chăl ‘nao. Tơ̆ Hop akŏm, Quân khu 5 hlôi tơbăt hơdăh păng pơjao hla bơar tơchơ̆t pôk tơmơ̆t kiơ̆ jơ ‘năr hăm 102 ‘nu sĩ quan iŏk bơ̆ jang pơm Kơdră chĕp pơgơ̆r Hơnih Ƀô̆ đô̆i rim tơring, phương lơ̆m dêh char Dak Lăk. Iung pơma tơ̆ hop akom, Ƀĭ thư Đảng dêh char Dak Lăk Lương Nguyễn Minh Triết sơkơ̆t hơdăh, tơdrong ăn sĩ quan ƀô̆ đô̆i vang iung jang Khul kơdră chĕp pơgơ̆r Ƀô̆ đô̆i tơring ‘noh jing trong tơlĕch jang trŏ lăp đơ̆ng Đảng, jĭ tơdrong kăl hloh lơ̆m tơ iung pơjing khul ƀô̆ đô̆i tơring nuih mơng pran kơjăp iăp kơtang; Athei rim sĩ quan đei pôk hơtŏk tĕnh koăng iung jang ‘lơ̆ng, băt hơdăh tơring, iung jang hơdoi kơjăp hăm khul kơdră đảng, kơdră chĕp pơgơ̆r tơring, tơ iung pơjing Khul chĕp pơgơ̆r Ƀô̆ đô̆i tơring pran kơjăp iăp kơtang tôm tong.