Lơ̆m kơsô̆ jên asong jang kŏng sơnăm 2026 kơyuơ Thủ tướng teh đak pơjao ăn, Đăk Lăk hlôi asong đei 5.828 tih hlj, đei 67%, pơkăp dơ̆ng mă 25/34 dêh char, pơlei tơm. Tơdrong asong jên jang adar kơyuơ đơ̆ng lơ tơdrong, lơ̆m noh đei tơdrong tơhlăk gah kla jên hrŭ 'mong iŏk teh ming man, hla bar pơm asong jang, jên tơmơ̆t yua teh păng minh ƀar kơsô̆ jên 'nao đei pơjao.

Kiơ̆ đơ̆ng tơdrong hơlen kơsô̆ jên jang, Hơnih jang Jên hu dêh char Đăk Lăk chih akŏm đei 3 tơdrong kăl vă hơtŏk tơdrong asong jên jang pơhlom 95%. Lơ̆m noh, dêh char hơtŏk tenh asong jên jang ăn dôm tơdrong ming man trong gre kơdou hrĕnh, hnam trưng hŏk hơdoi dôm jăl hŏk tơ̆ dôm xah sơlam teh păng jên jang kiơ̆ Tơchơ̆t jang kơ teh đak.