Tơbăt dơ̆ng dôm tơdrong 'lơ̆ng rŏ gah 'măng năm tơmang kơpal truh Liên bang Nga ah khei 9/2026, Tổng Bí thư, Kơdră teh đak bơ̆n Tô Lâm bơnê kơ dôm tơdrong pơma đam kăp gĭt hăm ƀok Kơdră Vladimir Putin păng dôm tơdrong akŏm pơma dơnuh hăm dôm ƀok kơdră teh đak Nga, lơ̆m noh đei 'măng tơƀơ̆p pơma dơnuh hăm Kơdră Jơnŭm Liên bang Valentina Matvienko.

Tổng Bí thư, Kơdră teh đak bơ̆n Tô Lâm păng Kơdră Jơnŭm Liên bang Nga drơ̆ng nơ̆r pơtoi akŏm pơma đam hơnơ̆ng lơ̆m tôm tơdrong jang, iŏk yua sơnong jang kăp gĭt jang hơdoi đơ̆ng hơnih jang kuô̆k hô̆i lơ̆m tơdrong jang tơbôl; hơtŏk dôm tơdrong jang kăp gĭt pơyua ăn kon pơlei, ăn tơring păng hơnih jang mŭk drăm, tơ̆ hơnăp kăl pơkăp hơdah lơ tơdrong jang vă hơtŏk jang hơdoi 'lơ̆ng hơ-iă, hơtŏk tơ-iung kiơ̆ kơ mŭk drăm hlôi đei kơ 2 teh đak.