‘Mi tih pơdui đunh kŭm pơm ăn đak lơ̆p lơ hơnih kon pơlei oei tơ̆ păh Hơlĕch dêh char Gia Lai. ‘Năr 12/11, tơ̆ phường Quy Nhơn Bắc, lơ trong đak lơ̆p, ƀơm ưh kơ ‘lơ̆ng truh tơdrong năm vih vơ̆t, oei sa kơ dang 1.600 unh hnam kon pơlei.

Tơ̆ xăh Tuy Phước Bắc, 5 tŏ gơng đak lơ̆p jrŭ, athei khŭl linh kơpal măh dăng tơley roi tơbăt, răp gak găn bơngai păng gre năm vih vơ̆t. Đak đơ̆ng tu hơnơ̆ng ro, pơm hơtŏk hơmơt kơ đak lơ̆p tơ̆ dôm tơring thŭng tơ̆ pơbăh đak krong Kôn.