Kơdră Quốc hội Trần Thanh Mẫn păng Kơdră Jơnŭm Liên bang Matviyenko drơ̆ng nơ̆r băt hơdăh tơdrong pơvei tơbôl joăt joe, lui ngeh, tơdrong hlôh vao păng pơyom, tơgŭm băl đơ̆ng Việt Nam păng Nga hlôi đei lơ jơhngơr hơtŏk ‘lơ̆ng; 2 păh kăl pơtrơp tơdrong joăt joe ‘noh păng pơtho dơ̆ng ăn jơhnơr ning nai kai ning mônh ‘moi kiơ̆ dôm tơdrong jang tơƀơ̆p pơgơ̆r joh ayŏ, pơtho pơhrăm, hơdruh tơdăm păng tơmăng lăng; bơngơ̆t truh tơdrong pơtho pơhrăm nơ̆r Nga tơ̆ Việt Nam, nơ̆r Việt tơ̆ Nga, tơgop lơ̆m tơdrong hơtŏk tơiung kơ 2 teh đak păng pơm gưng tơƀưh ăn pơvei 2 pang.

2 Kơdră pơma hơdăh khŏm hơnhăk jang hơdai nghị viện yak mơ̆t lơ̆m jrŭ să, hơtŏk loi dơ̆ng jang hơdai đơ̆ng rim anih joăt jang, hơtŏk đei yua tơdrong jang đơ̆ng dôm grŭp nghị sĩ tơbôl; pơtrŭt chih hơmet pơ ‘lơ̆ng tơdrong jang trŏ luơ̆t păng dăr hơlen bơ̆jang kiơ̆ dôm tơdrong drơ̆ng nơ̆r 2 pang, vang yak hơdai hăm Khŭl kơdră teh đak, tơring păng anih mơdro sa 2 teh đak.