Truh dang ei, dêh char hlôi jang keh đang ming hơmet 892 pơbung hnam hư răm kơtang đơ̆ng ‘mi kial pơrăm. Lơ̆m 606 pơbŭng hnam kăl ming man ‘nao, dêh char hlôi ming man keh đang 362 pơbŭng hnam păng pơjao ăn 311 pơbŭng hnam. Dôm pơbŭng hnam uơ oei hlôi ming man keh đang 2/3 tơdrong ming man. Hơdrô̆ 16 pơbŭng hnam lơ̆m hơnih oei ‘nao, dêh char gô vă pơjao lơ̆m năr 19/1. Kiơ̆ đơ̆ng Hơnih vei lăng kon pơlei dêh char Dak Lăk, 16 pơbŭng hnam ou lơ̆m hơnih oei ‘nao, adoi pơm trong pơgia tơgŭm ăn ming man păng gô chang trong man kơjăp hơrăng vă sơđơ̆ng ăn iung jang ming man; lơ̆m mă noh đei ‘mi hơnơ̆ng lơ̆m khei năr ou ki jei hlôi pơm găn ga kơtang ăn tơdrong ming man keh đang hrôih. Hrei ou, dêh char Dak Lăk tok bŏk hơvơn kơtang khul jang, ăn jang hơnơ̆ng vă hrôih keh đang rim pơbŭng hnam tơgŭm ăn kon pơlei hrôih đei tơdrong hơrih sa sơđơ̆ng.