Dôm hla ar đei klăih song lăng kiơ̆ lơ̆m tơdrong proh hơmet hơdrol sơ̆ păng dang ei vă hơmet pơ ‘lơ̆ng trŏ lăp. Hăm dôm hla ar teh trŏ lăp hăm proh hơmet, kon pơlei gơh hơnơ̆ng bơ̆jang kiơ̆ dôm tơdrong gơh jang trŏ luơ̆t. Mưh hla ar drơ̆ng ăn hlôi asong ưh kơ trŏ lăp hăm proh hơmet gô đei set hơlen hŭt, asong ming dơ̆ng păng pơm kiơ̆ nôp jên kiơ̆ tơdrong hơgăt.

Hăm teh đĭ tĕch, trong jang hơmet pơ ‘lơ̆ng lăng truh vei sơđơ̆ng tơdrong đei yua ăn kon pơlei; tơdăh pơm ăn hiong răm ăn Teh đak yua đơ̆ng pơm glăi đơ̆ng kang ƀô̆ ‘noh set hơlen hơnăp jang hrŭ ‘mong. Dôm bơngai ưh pă trŏ lăp proh hơmet gô đei hơmet pơ ‘lơ̆ng kiơ̆ tơdrong hơgăt, hơdai hăm set hơlen pơdreo jên kon pơlei hlôi nôp. Bí thư Đảng dêh char Đắk Lắk Lương Nguyễn Minh Triết athei dăr hơlen, hơmet pơ tôch dôm hla ar hô sơ hơdrol kơ ‘năr 15/12, vei sơđơ̆ng tơdrong đei yua trŏ luơ̆t đơ̆ng kon pơlei păng đei yua ăn Teh đak.