Lơ̆m jơ hop akŏm til pơgê, Kơdră tơm vei lăng Kŏng an, đei nơ̆r pơjao đơ̆ng Thủ tướng tĕh đak, pơre hla ar chih tơroi găh 5 kơ luơ̆t, đei: Luơ̆t vei sơđơ̆ng kơsô̆ chih răk; Luơ̆t vei lăng anih gĭt kăl ƀơm truh tơdrong sơđơ̆ng teh đak; Luơ̆t chih tơbăt hơnăn păng hơlen năng điên tư; Luơ̆t hơmet ming, chih tơmât dơ̆ng 1,2 tơdrong lơ̆m dôm khôi luơ̆t găh vei lăng, iŏk yoa phao kơtoang, tơmam tơgŭm, tang găn unh xa, pĭt unh xa păng dŏng bơngai răm; Luơ̆t sek phak jên (oei chih hơmet).

Quốc hội kŭm mơ̆ng hla ar hơlen năng dôm khôi luơ̆t kiơ̆ tơdrong đei tơlĕch lơ̆m 'măng hop akŏm. Đơ̆ng rŏng kơ 'noh, dôm bơngai tang măt pơma nuh tơ̆ hnam hôp găh Luơ̆t hơmet ming, chih tơmơ̆t dơ̆ng 1,2 tơdrong lơ̆m Luơ̆t Pơtŏ hơlen; atŭm hăm noh pơma nuh tơ̆ grŭp găh 1,2 khôi luơ̆t đei ƀơm truh.