Đăk Lăk pơkăp asong hơnih oei sơđơ̆ng ăn kon pơlei tơring sơlam Ia Rvê
Thứ ba, 10:39, 27/10/2026
Lan chih tơblơ̆
Lan chih tơblơ̆
VOV.Bahnar - Tơ̆ xah sơlam Ia Rvê, Hơnih vei lăng Khul linh vei sơlam teh dêh char Đăk Lăk pơm jang hăm rim jăl pơgơ̆r tơring gah tơlĕch pơkăp hơnih oei sơđơ̆ng ăn kon pơlei tơguăt hăm hơtŏk mŭk drăm – tơpôl, hơtŏk vei sơđơ̆ng tơpôl păng jang tơbôl tơ̆ tơring sơlam tơ̆ tơring sơlam teh Việt Nam – Campuchia đơ̆ng rŏng ƀŭ jrăng tơkăng teh.
Kiơ̆ tơlĕch jang, tơdrong tơlĕch jang đơ̆ng dang ei truh sơnăm 2035, asong jing 2 jăl, hăm kơsô̆ jên pơkăp hloh 214 ti hlj. Jăl sơnăm 2026-2030, kơchĕng gô asong jê̆ 135 ti hlj vă hơmet trong nơnăm lơ̆m tơring kon pơlei, tơring pơm jang; man hnam trưng rong hơ-ioh, hnam trưng klah jăl kơđeh, hnam pơgang, hnam hơkŭm tơpôl păng hnam pơm jang kơ thôn.
Atŭm hăm noh asong hơnih oei xa sơđơ̆ng ăn 50 unh hnam kon pơlei, man hnam oei, muih choh teh choh jang, hơtŏk pơtăm ƀa na, tơgŭm hơdrĕch 'long pơtăm, kon yŏng. Jăl sơnăm 2030-2035, gô vă asong 79 tih hlj vă pơtoi asong hơnih oei sơđơ̆ng ăn 50 unh hnam kon pơlei, tơguăt hăm tơgŭm hnam oei, muih choh teh pơm jang păng hơtŏk tơdrong hơrih jang xa.
Viết bình luận