Tơdrong ‘nâu đei pơgơ̆r kơtă tơ̆ Kŏng an dêh char, pơih trư̆k tuyê̆n truh tơ̆ 124 xăh, phường, tơring gĭt kăl, vă pơm hơtŏk tơdrong gơ̆h hlôh vao, tang găn păng sek tơlang dôm tơdrong krê hơmơt hăm đe hơioh lơ̆m mang.

Tơ̆ jơ pơtâp pơhrăm, dôm bơngai hŏk đei pơtho tơƀôh dôm tơdrong hơlĕnh pơdăr, pơhlŭ pơhlôm, tơhli jơhngâm đon hŏk tro lơ̆m mang. Mă loi, tơdrong pơtâp hue lăng truh tơdrong iŏk yua kơmăi rơgei vă pơm ya rup, nơ̆r pơma păng hơnăn vă chă trong phă ngơ̆r, ƀơ ƀrơh đe hơioh.

Kŏng an dêh char Lâm Đồng athei kăn ƀô̆, thây kô iŏk yua tơdrong hlôh vao đơ̆ng yăn âu, tơtom chă ƀôh, tơgŭm ăn hŏk tro mưh tơƀơ̆p tơdrong krê hơmơt. Đơ̆ng rŏng kơ pơhrăm, rim tơring, anih pơtho pơhrăm hơnơ̆ng roi tơbăt đon hlôh vao, vang jang hơdoi hăm kŏng an pơjing khul vei lăng năng tông đe hơioh lơ̆m mạng.