Truh dang ei, Đắk Lắk hlôi klăih song hloh 9.600 ti hlak jên tơmơ̆t jang teh đak, pơjing 5 khŭl bơ̆jang iŏk pơ ‘ngoăih teh ăn kơ 51 tơdrong jang tơm păng tơlĕch jang tơdrong jang tŭn hrĕnh 20 tơdrong jang. Anih vei lăng kon pơlei dêh char Đắk Lắk tơlĕch tơdrong hơgăt 6 khei hơtuch sơnăm jang đei akŏm jên tơmơ̆t jang hloh 53.200 ti hlak jên, tŏk 70% pơting hăm khei ‘nâu sơnăm hơdrol.

Tơ̆ ‘măng hop akŏm, dôm bơngai tang măt tơblang hơdăh mơmat tat lơ̆m tơlĕch jên jang, sơng đei tơmơ̆t jên jang, hơdai hăm drơ̆ng 1 nơ̆r tơplih jing vei lăng đei yua, tơklep hơnăp jang bơngai chĕp kơ̆l. Pơtôch hop akŏm, Bí thư Anih jang Đảng dêh char Đắk Lắk Lương Nguyễn Minh Triết athei bơ̆jang ‘lơ̆ng hơnăp jang jăl khei mă III păng IV, tơgŭm hơdrol jên jang ăn rim tơdrong jang tơgop jang tŏk; pôk pơ ư anih jang bơ̆jang ‘lơ̆ng păng sek phak tơpăt bơngai chĕp kơ̆l dôm hơnih jang hiơ̆, veh ver hơnăp jang.