Thủ tướng Lê Minh Hưng bơnê dôm tơdrong tơgop đơ̆ng ƀok Schmittmann lơ̆m tơdrong vei lăng trong pơma nuh, bơ̆ jang tơgŭm păng hơtŏk tơdrong pơtho pơhrăm ăn Việt Nam khei ‘năr âu ki, atŭm hăm ‘nŏh hơiă hăm ƀok Jamaludin đei pôk pơm bơngai jang pơtăl dơ̆ng tơ̆ Việt Nam păng Lào.

Thủ tướng Lê Minh Hưng pơma hơdăh, IMF jĭ anih jang hơdoi vang tơƀôh trong jang gĭt kăl păng boăl yak hơdai tôch sơđơ̆ng. Khul kơdră teh đak Việt Nam ling lang năng dôm hla ar chih tơroi, nơ̆r tơtă đơ̆ng IMF jĭ tơdrong tơroi gĭt kăl vă tơlĕch trong pơgơ̆r jang. Thủ tướng hơpơi ‘mĕh lơ̆m jăl jang ‘nao, Anih jang kơ IMF hơnơ̆ng pơm gơng tơƀưh, tưk tơiung tơdrong jang hơdoi, vei kơjăp tơdrong pơma nuh, trong jang tơgŭm, vang tơgop ‘lơ̆ng ăn tơdrong jang tŏk hrĕnh păng pran kơjăp đơ̆ng Việt Nam.