Pơma pơgơ̆r ah Hop akŏm, Tổng Bí thư, Kơdră teh đak bơ̆n Tô Lâm ră hơdah, Đảng, Teh đak păng Kon pơlei Việt Nam hơpơi 'meh pơtoi iŏk đei tơdrong jang hơdoi đơ̆ng Tơdrong jang kơ Hơnih jang 'Long pơglang brê păng Khei tơƀang brê apŭng plenh teh, rim jơnŭm jang apŭng plenh teh păng hơnih jang hơtŏk tơ-iung, tơgop hơtŏk tơdrong jang 'mêm bơnat, hơtŏk tơdrong tơbôl, tơguăt tơguăl kơyuơ tơdrong rơngei hiôk hian păng hơtŏk tơ-iung kơjăp.

Ră hơdah, Teh đak bơ̆n tŏk bŏk yak ah chăl sơnăm 'nao vă hơtŏk tơ-iung, pơkăp jing teh đah hơtŏk tơ-iung đei iŏk yua lơ ah sơnăm 2045, Tổng Bí thư, Kơdră teh đak bơ̆n Tô Lâm akhan, minh Việt Nam pran kơtang athei yak hơdoi hăm Việt Nam đei đon 'lơ̆ng; minh tơpôl gơh hơgei athei băt chă glơng dih băl; minh teh đak hơtŏk tơ-iung athei tơgĭt păng vei lăng tơdrong 'lơ̆ng hiôk hian ăn kơ rim bơngai. Kơyuơ noh, tơdrong jang 'mêm bơnat ưh đei pơdơh ah hơnih tơgŭm ƀơ̆t đei sar bar tŏ 'mi kial, pơrang jĭ pơrăm, mă athei jing minh trong jang hơtŏk tơ-iung kon bơngai, vei sơđơ̆ng tơdrong pơyua ăn tơpôl, vei lăng tơdrong sơđơ̆ng păng hơtŏk tơdrong hiôk hian hơtŏk tơ-iung kơ rim tơpôl.