Tơchơ̆t jang pơlong năng "pơih trong hiôk" đei iŏk yua hăm dôm tơdrong asong jang gah tơplih kơmăi kơsô̆ lơ̆m tơdrong asong jang hơtŏk tơ-iung kiơ̆ pơkăp đơ̆ng Tơchơ̆t kơsô̆ 224 đơ̆ng Jơnŭm pơgơ̆r teh đak. Pơkăp jang gah tơdrong ou lơ̆m 2 tơdrong tơm noh hơlen sơkơ̆t, tơchơ̆t asong jang păng dăr hơlen, tơchơ̆t asong tơdrong pơkăp jang.

Hơnih jang vei lăng kon pơlei dêh char Đăk Lăk tơlĕch tơchơ̆t kơđeh khei năr đei tŏ sĕt hloh noh 30% khei năr pơm hla bar lơ̆m sơnong jang kơ hơnih jang teh đak lơ̆m tơdrong hơlen lăng, iŏk nơ̆r tơgop, chih akŏm păng pơtruh ăn hơnih kơpal tơlĕch tơchơ̆t hăm dôm tơdrong jang đei iŏk yua. Đơ̆ng rŏng 6 khei tơlĕch jang gô hơlen lăng mă blŭng, đơ̆ng rŏng 1 sơnăm pơtơm tơchơ̆t lăng hăm đei pơtoi pơm jang, hơmet dah mă pơih să tơdrong tơlĕch pơm jang.