Năm tơ̆ cham gre păr apŭng plenh teh Nội Bài sơng khŭl kơpal đei Phŏ Kơdră Kuô̆k hô̆i Nguyễn Thị Thanh; Phŏ Kơdră Hơnih jang Vei lăng sơđơ̆ng tơpôl păng Jang tơbôl Vũ Hải Hà. 'Măng năm tơmang Việt Nam mă ou đơ̆ng Kơdră Kuô̆k hô̆i Campuchia pơih trong 'nao lơ̆m tơdrong jang tơbôl kơ 2 Kuô̆k hô̆i, atŭm pơkăp trong jang iŏk kon pơlei pơm tơm, kiơ̆ đơ̆ng dôm tơdrong jang hơdoi 2 pah.

Lơ̆m 'măng năm tơmang mă ou, Kơdră Kuô̆k hô̆i Campuchia, yă Samdech Khuon Sudary pơma đam hăm Kơdră Kuô̆k hô̆i  Trần Thanh Mẫn, pơma đam hăm đe kơdră kơpal dơnơm kơ Việt Nam, năm tơmang minh ƀar hơnih jang tơm, hơnih jang pơgang kơ Việt Nam. 'Nguaih kơ noh, rim hơnih juăt jang kơ Kuô̆k hô̆i 2 teh đak đei dôm tơdrong pơma đam vă hơtŏk jang hơdoi lơ̆m khei năr truh.