Lăp đơ̆ng rŏng mơ̆ng đŏk tơbăt tơdrong jang păng rim nơ̆r tơgop, ƀok Tổng Bí thư, Kơdră chĕp pơgơ̆r teh đak Tô Lâm hôn bơnê Khul kơdră chĕp pơgơ̆r Đảng, Kơdră chĕp pơgơ̆r Hơnih bơ̆ jang Dăr lăng Khul kơdră chĕp pơgơ̆r Teh đak păng pơđĭ hơnih bơ̆ jang Dăr lăng hlôi kơrŭn đĭ ai hơmet pơ ‘lơ̆ng tơnap tap, iung jang tơlĕch jang kiơ̆ trong jang ‘nao, bơ̆ jang keh đang lơ tơdrong jang păng iŏk đei jơnei hơ iă. Tổng Bí thư, Kơdră chĕp pơgơr Teh đak Tô Lâm athei lơ̆m khei năr kơnh, tơplih ‘nao bơ̆ jang dăr lăng kăl lăng kơjăp lơ̆m tơplih trong chĕp pơgơ̆r đơ̆ng Đảng; pơm pơkeh teh đak pháp quyền xã hội chủ nghĩa; proh hơmet hơnih jang, jang kiơ̆ trong jang khul kơdră tơring 2 kâp; pơjao jang, hơnăp jang păng pơm hơtŏk trong chĕp pơgơ̆r vei lăng Teh đak. Pơgơ̆r iung jang kơ Hơnih jang kăl akom, ‘lơ̆ng hơ iă, lăng kơjăp tơring; dăr lăng hơlen trong chĕp pơgơ̆r, vei kơjăp jang kiơ̆ ‘lơ̆ng, vei lăng năng tông kon pơlei, pơvih pơvăn atŏk tơ iung.