Kơkuh chơt hơiă kơ yă Khuon Sudary, Tổng Bí thư, Kơdră teh đak Tô Lâm pơma hơdăh Việt Nam ling lang lăng kăl păng ‘măn tơdrong tơgŭm hơdrol hloh ăn pơvei “ teh đak tơ jê̆ ‘lơ̆ng hơiă, tơbôl joăt joe, jang hơdai tôm tong, kơjăp đunh đai” hăm Campuchia. 2 păh pơma hơdăh tơdrong ‘lơ̆ng gĭt kăl đơ̆ng tơdrong pơvei đơ̆ng 3 teh đak Việt Nam - Campuchia - Lào lơ̆m tơdrong ‘nao; ƀôh hơdăh ‘noh jĭ tơdrong lui ngeh chinh trĭ, jang hơdai kơjăp găh khŭl linh - vei sơđơ̆ng, tơklep hơdai mŭk drăm păng tơƀơ̆p pơma dơnuh đơ̆ng kon pơlei.

2 kơdră chĕp kơ̆l hơtŏk ‘lơ̆ng hơnăp jang gĭt kăl đơ̆ng Đảng lơ̆m akŏm pơvei 2 pang păng 3 pang, athei rim anih tơm, anih jang jang kiơ̆ ‘lơ̆ng dôm tơdrong drơ̆ng nơ̆r iŏk đei. Hơdai hăm, 2 pah drơ̆ng nơ̆r hơnơ̆ng hơtŏk đei yua dôm trong jang hơdai kăl, mă loi ‘noh jĭ dôm ‘măng tơƀơ̆p đơ̆ng 3 Thủ tướng, 3 Kơdră Quốc hội, 3 Kơdră tơm vei lăng Khŭl linh, Kŏng an /Nội vụ păng Jang tơbôl.