Kiơ̆ kơ Anih jang Khoa hŏk păng Kơmăy kơmŏk, jăl jang 2023–2026, dêh char tơlĕch jang 21 hơnăp jang khoa hŏk kơmăy kơmŏk kơ dêh char lơ̆m dôm tơdrong jang choh jang sa kơmăy kơmŏk ‘nao, pơm tơlĕch, pơgang hla ‘long păng tơplih kơsô̆ hăm akŏm kon jên hloh 37 ti hlak; truh dang ei hlôi tơlĕch jên jang vă jê̆ 21 ti hlak jên, iŏk đei 56% trong tơlĕch jang.

Đơ̆ng sơnăm 2021 truh dang ei, Đắk Lắk kŭm tơlĕch jang 19 tơdrong jang tơm găh kơmăy kơmŏk kơtơ̆ng ang păng anih jang kăl tơplih kơsô̆. Hơdrô̆ sơnăm 2026, tơring hơmet ăn dang 300 ti hlak jên ăn dôm tơdrong jang ‘nao nhen hơtŏk tơdrong jang hop akŏm trực tuyến truh rim xăh, chih răk kơsô̆ păng pơjing tơdrong chih răk kơsô̆ pơyua ăn tơdrong jang pơgơ̆r, vei lăng tơdrong sơđơ̆ng.