'Nou jĭ jơnŭm jang tơpôl – tơdrong jang hơgei hloh gah tơdrong jang logistics, chơ pơdŭ tơmam drăm păng dơnŏk duk đak dơsĭ kơ tơring đơ̆ng rŏng kơ tơmơ̆t hơdoi đơ̆ng Phú Yên păng Đăk Lăk. Jơnŭm jang tơchơ̆t kơdih asong jên jang păng pơgơ̆r pơm jang, vă akŏm tơgŭm bơngai jang, vei sơđơ̆ng tơdrong pơyua ăn rim hơnih jang mŭk drăm, atŭm hăm noh hơtŏk jang logistics păng jang gah dơnŏk duk đak dơsĭ kơ tơring.

Tơdrong pơjing jơnŭm jang đei pơgơ̆r lơ̆m khei năr dêh char Đăk Lăk pơih să tơring hơtŏk tơ-iung đơ̆ng groi kông klĕch tơ̆ đak dơsĭ, pơm trong pơtoi asong tơmam drăm, tĕch răt hăm teh đak đe păng jang logistics jơ̆p tơring. Dang ei Jơnŭm jang hlôi hơvơn hloh 50 hơnih jang, bơngai jang lơ̆m dôm tơdrong jang logistics, hơnih mong tơmam, chơ tơmam drăm, tĕch răt păng pơm tơlĕch adoi chih măt pơkăp pơm jang.