Vang truh akŏm đei 40 anih tĕch mơdro hăm 40 anih vang chă tơdrong jang, vă iŏk bơngai jang găh văn phòng, kế toán, lập trình AI, jang kơmăy tơ̆ Tơnŏk duk, jang ki thuơ̆t lơ̆m ƀato, jang ki thuơ̆t ô tô… ‘măn ăn dang 4.000 ‘nu sinh viên truh đơ̆ng lơ hnam trưng đăi hŏk, cao đẳng tơ̆ tơring. Hơdai hăm chă tơdrong jang, sinh viên oei đei truh hăm jơ pơma đam “Năr chă tơdrong jang Valoma 2026” hăm hơnăn “Atŏk tơiung khul bơngai jang – Pơjing  tơdrong ‘lơ̆ng ăn ning mônh”.

Tơ̆ âu, dôm bơngai juăt jang roi tơbăt lơ tơdrong ƀơm truh trong chă tơdrong jang ‘nao, ki thuơ̆t tơl tơblang mưh apĭnh jet păng tơƀôh trong chă tơdrong jang vă tơgŭm ăn sinh viên hơtŏk kơsư̆k pơjei tơ̆ naih chă bơngai jang.