Đắk Lắk hơtŏk tơdrong ‘lơ̆ng mưh pơtho pơhrăm
Thứ sáu, 10:15, 08/08/2025
VOV Tây Nguyên/Dơ̆ng tơblơ̆
VOV Tây Nguyên/Dơ̆ng tơblơ̆
VOV.Bahnar - Bơ̆ jang hăm Anih vei lăng pơtho pơhrăm dêh char, ƀok Tạ Anh Tuấn, Kơdră vei lăng kon pơlei dêh char Đắk Lắk, athei anih âu kơchăng pơjing “Tơdrong jang atŏk tơiung pơtho pơhrăm kơ dêh char Đắk Lắk đơ̆ng 2025 – 2030”, lơ̆m noh hơlen năng dơ̆ng rim trong pơtho pơhrăm oei yoa hrei ‘nâu, hŭt lê̆ dôm tơdrong ưh kơlăp, năm truh tơdrong pơtho pơhrăm roi ‘lơ̆ng.
Ƀât mă dôm tơdrong jơnei găh hŏk tro rơgei, pơtho hŏk iŏk đei lơư tơdrong ‘lơ̆ng, ‘nŏh tơdrong pơtho pơhrăm lơ hnang jĭ tơdrong kăl đei tơplih ming dơ̆ng tơ̆ Anih pơtho pơhrăm Đắk Lắk. Điêm jô̆ păh lăp mưh thi tốt nghiệp THPT lơ̆m dôm sơnăm âu ki kơ dêh char hơnơ̆ng dơ̆ng lơ̆m grŭp mă hơtuch kơ teh đak. 2 ‘măng thi mât hŏk lăm 10 âu ki, điêm jô̆ păh lăp 3 môn thi mât hŏk lăm 10 tơ̆ tơring Pơmât, lăp tŏ sĕt đĕch.
Kŭm hăm ‘nŏh jĭ tơdrong ưh kơmăh thây kô, ưh kơmăh tơmam pơtho pơhrăm, lơ lăm hŏk pơm pơgia, tơdrong ưh hơtŏ băl kơplăh dôm tơring đei ƀôh păng tơring pơmat tat oei tôch dêh. Ƀok Tuấn akhan, dôm tơdrong ‘nâu athei jăh sek tơlang hrôih vă hơtŏk tơdrong ‘lơ̆ng ăn tơdrong pơtho pơhrăm kơ dêh char.
Viết bình luận