Tơdrong tơlĕch jang đei jên pơkăp jang 9,8 triu đôlar, pơm jang đơ̆ng sơnăm 2027-2031, yak truh tơgŭm kơtă ăn dôm tơring kon pơlei ƀơm răm hăm trong asong jên tŏk iŏk tenh kuăng kiơ̆ đơ̆ng tơdrong răm yuơ tŏ 'mi kial pơm đei. Ƀar tơring đei rơih jang hơdaol hloh noh đei xah Krông Năng – tơring hơnơ̆ng kơ ƀơm tŏ phang pơrăm păng phương Phú Yên – tơring hơnơ̆ng kơ ƀơm đak hơbông pơrăm.

Hơmŏ pơhlom 10.000 unh hnam kon pơlei đei tơgŭm vă hơmet jang xa, 2.000 unh hnam tơjê̆ hin dơnuh đei tơgŭm răt ƀao hiêm răk hơmŏ ăn tơdrong răm đơng tŏ 'mi kial. Hơnih 'nao kơ tơdrong tơlĕch jang noh iŏk yua tơdrong chih akŏm kăl gah tŏ 'mi kial, rup iŏk đơ̆ng vê̆ tinh păng kơ̆l 'ngok tơchăr hơgei vă tơlĕch tơgŭm ƀơ̆t đei ƀôh tơdrong răm tŏk kơtang hloh pơkăp.