Pơma pơtôch hop akŏm, Thủ tướng pơma hơdăh tơdrong ‘meh vă hnam oei ăn mơng jĭ tôch kơ lơ, lơ̆m mă hnam ăn mơng, mă kăl hnam ăn mơng oei đunh sơnăm hăm kơjă trŏ lăp, oei ưh kơmăh kơtang. Hăm rim tơring đei lơ hơnih jang kmăi kmŏk pơm tơlĕch tơmam drăm, tơdrong ‘meh vă đei hnam oei ăn bơngai jang jĭ tôch kơ lơ. Thủ tướng athei atŏk tơ iung hnam oei ăn mơng kăl tơklep kơjăp hăm tơdrong pơprŏ pơjing hơnih jang kmăi kmŏk pơm tơlĕch tơmam drăm, hơnih jang mŭk drăm tơm, jih trong nơnăm păng rim tơring kon pơlei oei; sơkơ̆t hơdăh pro, găh tơdrong să tơring atŏk tơ iung. Thủ tướng jei athei rim hơnih tơm, hơnih jang tĕnh koăng iung jang keh đang trong tơlĕch jang, găh tơring iung jang tơlĕch jang kiơ̆, lăng hơlen, hơlen hơdăh vă hơnơ̆ng pơm pơkeh tơdrong tơchơ̆t jang, trong jang tơgŭm găh hnam oei ăn mơng.