Trong tơlĕch jang ou đei iung jang đơ̆ng năr 4/5 truh năr 4/6, hơvơn vang iung jang đơ̆ng pơđĭ khul chinh trĭ. Tơdrong vă jang kơjung hơtăih 25,47km, akŏp kon jên tơmơ̆t jang 3.825 ti hlak jên; truh dang ei hlôi pơjao hloh 15km teh mă lei iung jang oei hiơ hiơư. Tơlĕch iung jang, Kơdră chĕp pơgơ̆r Hơnih vei lăng kon pơlei dêh char Dak Lăk Đỗ Hữu Huy pơma hơdăh ‘nou jĭ tơdrong jang ming man trong tơm, tôch gĭt kăl lơ̆m atŏk tơ iung mŭk drăm-tơpôl, vei lăng sơđơ̆ng, pơih să tơring kơdrơ̆m păng iung jang mŭk drăm đak dơsĭ; bơ̆ jang iŏk tơvih teh jĭ tơdrong jang kăl hloh, bơngai chĕp kơ̆l chĭu pŭ tôm tơdrong.