Tơbăt tơ̆ hop akŏm đei ƀôh, 4 khei blŭng sơnăm 2026, mŭk drăm sơđơ̆ng, tơdrong tŏk jur đei vei kơjăp, dôm trong proh hơmet đei sơđơ̆ng; thuê̆ ăn hơnih mong jên bơ̆ jang teh đak iŏk đei dang 1,11 triệu ti hlak jên, tĕch mơdro tơ̆ teh đak đe iŏk đei hloh 344 ti USD. Iung pơma tơ̆ Hop akŏm, Thủ tướng Lê Minh Hưng athei atŏk kơtang bơ̆ jang ‘lơ̆ng hloh dơ̆ng lơ̆m tơ iung pơjing păng tơlĕch jang kiơ̆ dôm hla bơar tơchơt khôi luơ̆t; adoi tơlĕch rim trong jang atŏk kơtang tŏk mŭk drăm tơklep hăm vei kơjăp sơđơ̆ng mŭk drăm. Hơnih tơm jang jên hu đei pơjao dăr lăng hơlen trong tơlĕch jang, tang găn thuê̆ ưh kơ đei, atŏk kơtang tơmơ̆t jang hơdoi; rim grŭp jang, tổng công ty akŏm jang keh đang trong tơlĕch jang pơm tơlĕch tĕch mơdro păng pơtrŭt kơtang tơdrong vă jang kăl. Hơnih tơm vei lăng Choh jang sa păng Cham char đei athei hrôih pơm keh đang trong jang klăh asong kon jên tơmơ̆t jang Tơdrong jang tơm teh đak, lăng kăl lơ̆m jang pơjing đak rơgoh păng yông kon pơlei lĕch veh đơ̆ng tơring teh tơdrŭt hơlih; Hơnih tơm vei lăng Mơdro sa pơm pơkeh Trong pơprŏ vă jang ŭnh hơyuh VIII, sơđơ̆ng măh mai ŭnh hơyuh.