Lâm Đồng sơkơ̆t hơdah hơnih jang mŭk drăm đak dơsĭ 75.000ha, pơkăp truh hơtŏk tơ-iung 'nao
Thứ ba, 13:56, 05/05/2026
Lan chih tơblơ̆
Lan chih tơblơ̆
VOV.Bahnar – Năr 4/5, Khul pơm jang kơ Trung ương kơyuơ Bí thư Trung ương Đảng, Kơdră Hơnih tơm sek tơlang Nguyễn Văn Quảng chĕp kơ̆l khul hlôi pơm jang hăm dêh char Lâm Đồng gah tơdrong Pơkăp Hơnih jang mŭk drăm đak dơsĭ păng dôm tơdrong jang dơnơm nai.
Pơkăp jang đei hơtŏk jang 'nao lơ̆m hơnih să pơhlom 75.000ha, hơtŏk jang lơ tơdrong nhen kŏng ngĭp, tơring kơdrơ̆m, dơnŏk duk, logistics, unh hơyuh păng tơmang pơhiơ̆; dang ei đei pơhlom 210 tơdrong jang, lơ̆m noh 128 tơdrong hlôi tơmơ̆t jang. Dơnŏk duk đei pơkăp jing dơnŏk duk kơluăi 1, kĕ sơng duk trăp 150.000 tơ̆n truh dơ̆ng.
Pơma ah jơ pơm jang, ƀok Nguyễn Văn Quảng ră hơdah athei pơjing “tơdrong pha”, asong hơtŏk hơnih jang unh hơyuh tih să vă pơm tơm hơvơn asong jang, hơtŏk tơdrong tơgar jang; atŭm hăm noh tơguăt hăm pơkăp tơroh tơring, hơtŏk hơnih jang, pơjing cham char hơtŏk tơ-iung drơ̆ng minh.
Viết bình luận