Hop akŏm roi tơbăt tơdrong Tơchơ̆t pơjing Khul jang hơdoi kơ 2 dêh char vă bơ̆jang kiơ̆ tơdrong tơdrong Tơmât hơdai anih vei lăng 2 dêh char Đắk Lắk păng Phú Yên; tơgop nơ̆r ăn tơdrong hơmet ming, tơmât hơdai anih jang tơ̆ dêh char; set hơlen, tơgop nơ̆r găh trong hơmet ming khul kơdră pơgơ̆r, khul bơngai jang, anih jang, trong nơnăm, tơmam vă bơ̆ jang, tơdrong tơgŭm ăn kăn ƀô̆, bơngai jang ăn teh đak...

Dôm bơngai tang măt ăn 2 dêh char hlôi drơ̆ng nơ̆r hăm dôm tơdrong đei chih lơ̆m Tơdrong jang. Găh trong hơmet gre chơ ba vih vât păng hnam oei ăn kăn ƀô̆, bơngai jang kơ teh đak đơ̆ng Phú Yên truh bơ̆ jang tơ̆ Đắk Lắk, dôm bơngai tang măt akhan athei chih hơdăh tơdrong tơgŭm vă rim bơngai gơ̆h kơchăng ƀiơ̆.