Đơ̆ng rŏng Hop akŏm pơma dơnuh ‘măng mă 3, Anih vei lăng Pôk rơih dêh char Đắk Lắk ‘nao jang hơdai hăm Khŭl chĕp kơ̆l pơgơ̆r Anih jang MTTQ Việt Nam dêh char pơgơ̆r lêh pơjao hơnăn bơngai lĕch pơjei bơngai tang măt Quốc hội jăl XVI păng bơngai tang măt Jơnŭm pơgơ̆r kon pơlei dêh char jăl jang 2026–2031. Tơ̆ hop akŏm, dôm bơngai tang măt hlôi dăr hơlen kơjăp tơdrong pơkăp ‘lơ̆ng, proh hơmet, bơngai kiơ̆ tơdrong hơgăt đơ̆ng khôi luơ̆t, drơ̆ng nơ̆r chih hơnăn 19 ‘nu bơngai đei tôm tơdrong pơkăp ‘lơ̆ng lĕch pơjei bơngai tang măt Quốc hội jăl XVI păng 141 ‘nu bơngai đei tôm tơdrong hơgăt ‘lơ̆ng lĕch pơjei bơngai tang măt Jơnŭm pơgơ̆r kon pơlei dêh char.

Tơ̆ jơ pơm lêh, 2 păh hơlen lăng hla ar ƀiên ƀan Hop akŏm pơma dơnuh ‘măng mă 3, hơnăn bơngai lĕch pơjei; pơgơ̆r kĭ pơkăp, pơjao hla ar hô sơ kiơ̆ ƀlep trong jang. Tơdrong pơjao ‘noh jĭ tơdrong ‘lơ̆ng jang gĭt kăl vă Anih vei lăng Pôk rơih dêh char hơnơ̆ng tơlĕch jang dôm hơyak pơtăl dơ̆ng kiơ̆ trong jang pôk rơih, vei sơđơ̆ng tơpăt, rơđăh, trŏ luơ̆t, pơyua ăn tơdrong jang hơmet ăn pôk rơih lơ̆m dêh char.