Kiơ̆ kơ ‘noh, đơ̆ng ‘năr 15/4 truh 15/5, dôm khŭl hơlen lăng gô pơgơ̆r hơlen lăng tơdrong vei lăng rơgoh ‘lơ̆ng tơmam sa tơ̆ 9 tơring lơ̆m dêh char. Tơdrong hơlen lăng vă hơtŏk hơnăp jang vei lăng teh đak găh vei lăng rơgoh ‘lơ̆ng tơmam sa, tơtom chă ƀôh, tang găn păng sek phak dôm tơdrong pơm glăi mưh pơm tơlĕch, tĕch mơdro tơmam sa; hơdai hăm hơlen lăng tơdrong jang kiơ̆ Khei bơ̆ jang tơ̆ dôm tơring, anih jang.

Kiơ̆ trong vă dăr hơlen lăng, dôm anih jang kơpal oei vă hơlen năng, hơmet ming dôm tơdrong ưh kơ ‘lơ̆ng lơ̆m tơdrong jang vei lăng, tơlĕch trong hơtŏk ‘lơ̆ng tơdrong đei yua đơ̆ng vei lăng rơgoh ‘lơ̆ng tơmam sa lơ̆m dêh char.