Tơ̆ Hop akŏm, rim kơdră tang măt păng hŏk tro hlôi đei lăng video pơtho tơbăt, mơ̆ng nơ̆r pơtho tơbăt găh tang găn hơlou, tơjră tang găn rơ̆m rĕk như̆a; vang pơdă tơƀôh um rup, hla bơar chih tơbăt pơrô̆ pơrôp găh tang găn hơlou, tơjră tang găn rơ̆m rĕk như̆a. Tơdrong pơgơ̆r ou vă tơlĕch jang kiơ̆ Tơdrong vă jang “ Atŏk kơtang bơ̆ jang pơrô̆ tơbăt tang găn hơlou, tơjră tang găn rơ̆m rĕk như̆a jăl jang 2021–2025” đơ̆ng Thủ tướng Teh đak, adoi jang kiơ̆ nơ̆r pơrô̆ jang đơ̆ng Hơnih vei lăng kon pơlei dêh char Dak Lăk lơ̆m pơm hơtŏk jơhngơ̆m đon hlôh vao, tơplih tơdrong joăt vei lăng năng tông cham char, mă kăl lơ̆m hnam trương hŏk pơhrăm. Jơ ‘năr ou, Hơnih chĕp pơgơ̆r jei pơgơ̆r hop akŏm pơtôch păng pôk ăn tơmam hơpăh ‘Măng pơlong tơchăr pơm tơlĕch tơmam drăm đơ̆ng rơ̆m rĕk như̆a, hăm 17 tơmam hơpăh ‘măn ăn rim khul, rim bơngai đei tơmam tơchăr ‘lơ̆ng hơ iă hloh.