Đei 8 tơdrong chih akŏm luơ̆t hlôi đei pơma đam tơgop nơ̆r đei: Luơ̆t Pơlong iŏk ming man (hơmet tơplih); Luơ̆t Tĕch pơlong kơjă mŭk drăm (hơmet tơplih); Luơ̆t Hnam oei (hơmet tơplih); Luơ̆t Hơtŏk hơnih jang mŭk drăm iĕ păng pah lăp; Hơmet tơplih minh ƀar tơdrong lơ̆m Luơ̆t Tĕch mơdro, Luơ̆t Tơgar jang, Luơ̆t Vei lăng jang tĕch mơdro, Luơ̆t Vei vêr sơnong pơyua ăn bơngai yua; Luơ̆t Răt yua mŭk drăm; Hơmet tơplih minh ƀar tơdrong lơ̆m Luơ̆t Vei sơđơ̆ng ăn bơngai jang păng Hơmet tơplih minh ƀar tơdrong kơ dôm luơ̆t gah pơtơ̆p pơhrăm, tơmang pơhiơ̆, thư viê̆n, điê̆n ảnh, mŭk drăm joh ayŏ, tơbang kuang kăo ƀăo chĭ.

Tơrĕk hloh noh gah hơmet tơplih minh ƀar tơdrong lơ̆m Luơ̆t Vei sơđơ̆ng ăn bơngai pơm jang, rim bơngai tang măt athei pơih să bơngai vang răt ƀao hiêm sar bar lơ̆m pơm jang, tơdrong jĭ jăn lơ̆m pơm jang athei tơguăt hăm tơdrong tơgŭm mă trŏ ƀlep. Kiơ̆ kơ noh, athei hơlen hơdah tơdrong tơgŭm đơ̆ng grŭp bơngai jang ưh đei pơkăp pơm jang oei lơ̆m unh hnam hin dơnuh, tơjê̆ hin dơnuh dah mă hơrih tơ̆ tơring kon pơlei kon kông.