https://vov.vn/xa-hoi/vov-tay-nguyen-tuyen-dung-3-vien-chuc-lam-viec-tai-
dak-lak-post1341425.vov

Dôm tơdrong jang oei chă bơngai jang đei: 1 ‘nu drŏ nglo jang lơ̆m Tơdrong tơroi pơma nơ̆r Rađe; 1 ‘nu drŏ kăn jang lơ̆m Tơdrong tơroi pơma nơ̆r Jarai; păng 1 ‘nu bơngai chih tơdrong kơtơ̆ng ang.

Găh tơdrong hơgăt hăm bơngai vă iŏk jang, dôm bơngai apinh jang athei pơm lăp hăm dôm tơdrong hơgăt atŭm, lơ̆m noh athei đei quốc tịch Việt Nam, lĭ lĭch rơđăh rơđong, jơhngâm đon chinh trĭ tơpăt ‘lơ̆ng, hơkâu jăn pran jăng păng đei Ƀăng hŏk lăp hăm dôm tơdrong vă jang.

Hăm bơngai tơblơ̆, tơblang, chih hơmet, pơre nơ̆r Rađe, nơ̆r Jarai, bơngai chă tơdrong jang athei hŏk đang đơ̆ng Đăi hŏk tŏk tơ̆ kơpal; gơ̆h pơre, gơ̆h chih nơ̆r kon kông kơdih, đei ƀơ̆r pơre rơđăh, hiôk păng hlôh vao klŏh klĕch nơ̆r Yoăn. Bơngai apinh jang gơ̆h chih ƀai păng gơ̆h iŏk yoa kơmăy kơmŏk pơyoa ăn tơdrong jang chih tơroi lơ̆m internet, mang tơpôl gô đei roi hơdrol.

Hăm bơngai chih tơdrong kơtơ̆ng ang, bơngai apinh tơdrong jang athei hŏk đang đơ̆ng Đăi hŏk tŏk tơ̆ kơpal, đei ƀơ̆r pơre rơđăh, hiôk, gơ̆h chih ƀai, tơdrong kơtơ̆ng ang păng gơ̆h iŏk yoa kơmăy kơmŏk roi tơbăt. Dôm bơngai năm chă tơdrong jang tơdăh hlôi đei bơ̆ jang găh tơdrong tơroi tơbăt, tơblơ̆, tơblang, pơre nơ̆r lơ̆m tivi, lơ̆m kơmăy sô̆ đơ̆ng 1 sơnăm tŏk tơ̆ kơpal gô đei rơih hơlen hơdrol.

Trong rơih iŏk bơngai jang đei: pơgơ̆r thi, set hơlen hla ar.

Jơnăr iŏk hô sơ lơ̆m jơ bơ̆ jang đơ̆ng năr Mônh truh năr Pơđăm, pơtơm đơ̆ng 'năr 15/10 truh đĭ 'năr 30/10/2026. Bơngai chih măt vang thi nôp Hla ar chih măt thi kiơ̆ Hla ar 'nao hlŏh Tơ̆ Lăm bơ̆ jang Hành chính - Tổng hợp, Anih jang tơ̆ tơring Tây Nguyên - Radio nơ̆r pơma Việt Nam, kơsô̆ 19A Lê Duẩn, phường Buôn Ma Thuột, dêh char Đắk Lắk.

Jên nôp vă thi ‘nŏh 500.000 hlak 1 ‘nu. Bơngai năm thi ưh pă đei nôp thim jên kiơ ‘ngoăih kơ jên nôp ‘nâu. Jên nôp thi ưh đei pơdreu hơlơ̆k dơ̆ng mưh thi ưh đŏu.

Vă băt hơdăh hlŏh dơ̆ng apinh pơma dơnuh hăm ƀok Nguyễn Hữu Hùng, Kơdră Lăm jang Hành chính - Tổng hợp, kơsô̆ điên thoăi: 0905.044.466.

https://vov.vn/xa-hoi/vov-tay-nguyen-tuyen-dung-3-vien-chuc-lam-viec-tai-dak-lak-post1341425.vov