Tơ̆ Hop akŏm, Khul kơdră chĕp pơgơ̆r Đảng dêh char Dak Lăk tơlĕch jang kiơ̆ rim hla bơar kăl kơ Hơnih tơm Chinh trĭ, Ban Bí thư păng hơnih Đảng dêh char, akŏm lơ̆m bơ̆ jang tơ iung pơjing Đảng; tơdrong jang, trong tơlĕch ăn pơjing hơyak ‘lơ̆ng ăn tŏk mŭk drăm kơjăp ‘lơ̆ng tơ̆ ƀar kơsô̆ lơ̆m jăl truh ou kơnh; dôm tơdrong jang iŏk đei jơnei kơ khul chĕp pơgơ̆r chinh trĭ păng khul kơdră tơring ƀar kâp; rim hơyak pran kơtang lơ̆m krao tơmơ̆t, proh ăn bơ̆ jang păng tơgŭm djru kang ƀô̆; atŏk kơtang tơdrong chĕp pơgơ̆r đơ̆ng Đảng hăm bơ̆ jang tang găn hơlou, hơmet pơ ‘lơ̆ng ‘mi kial pơrăm; jang kiơ̆ hơnăp jang tơblang hơdăh lơ̆m bơ̆ jang. Iung pơma tơ̆ hop akŏm, yă Cao Thị Hòa An, Kơ iĕng Kơdră chĕp pơgơ̆r Đảng dêh char athei rim hơnih đảng ‘nĕ lăng tơdrong tơlĕch jang kiơ̆ rim hla bơar tơchơ̆t ‘noh jĭ vă kơ pơrŏ đĕch, ‘nĕ ưh kơ pơjao ăn mĭnh ƀar hơnih jang pơchoh trong; sơkơ̆t hơdăh ‘nou jĭ trong blŭng tôch gĭt kăl vă ƀôh hơdăh, iung jang hrơ̆p mĭnh ‘măng lơ̆m khul jang chinh trĭ.