Đăk Lăk tơlĕch jang mŭk drăm kơsô̆ tơgop 1/3 tŏk mŭk drăm lơ̆m sơnăm 2030
Thứ sáu, 15:06, 17/07/2026
Lan chih tơblơ̆
Lan chih tơblơ̆
VOV.Bahnar - Kơsơ̆ năr 16/7, Hơnih bơ̆ jang vei lăng Khoa hŏk păng Kmăi kmŏk dêh char Đăk Lăk iung jang hơdoi hăm Viện Chiến lược (Học viện Chiến lược Khoa học và Công nghệ) pơgơ̆r hop akŏm pơma dơnuh găh trong vă pơjing Tơdrong vă jang "Atŏk tơ iung mŭk drăm kơsô̆ dêh char Đăk Lăk jăl jang 2026 - 2030, lăng truh sơnăm 2045".
Trong vă pơjing tơdrong vă jang sơkơ̆t hơdăh atŏk tơ iung mŭk drăm kơsô̆ jĭ hơyak pran ăn tŏk mŭk drăm ‘nao, tơgop pơm hơtŏk mŭk drăm kơ dêh char Đăk Lăk tŏk jô̆ hơtŏ đơ̆ng 11% lơ̆m sơnăm năm tơ̆ lơ. Truh dang sơnăm 2030, mŭk drăm kơsô̆ tơgop tŏ sĕt hloh 30% tŏk mŭk drăm păng truh sơnăm 2045 đei jing trong atŏk tơ iung kăl hloh.
Jăl jang 2026-2030, dêh char Đăk Lăk gô vă tơlĕch jang 20 tơdrong jang kăl hăm akop kon jên apĭnh tơmơ̆t jang hloh 3.400 ti hlak jên vă atŏk tơ iung kmăi kmŏk kơsô̆, yưh lĭu kơsô̆ păng pơtrŭt kơtang tơplih kơsô̆ lơ̆m rim tơdrong jang mŭk drăm kăl.
Viết bình luận