Lâm Đồng jang đang tơdrong iŏk kơmẫu kơting tơ̆ 9/11 pơsat linh
Thứ sáu, 14:20, 17/07/2026
VOV Tây Nguyên/Dơ̆ng tơblơ̆
VOV Tây Nguyên/Dơ̆ng tơblơ̆
VOV.Bahnar – Bơ̆ jang tơdrong jang 500 măng năr sir chă, dônh akŏm păng chih hơdăh hơnăn linh lôch tang ăn teh đak, dêh char Lâm Đồng oei tơlĕch jang sir iŏk kơmẫu kơting tơ̆ pơsat linh lơ̆m dêh char vă chih hơdăh hơnăn linh lôch tang ăn teh đak.
Lơ̆m dêh char Lâm Đồng dang ei đei 12 Pơsat linh, lơ̆m noh 11 pơsat vă kôch iŏk kơting hăm 4.776 tŏ pơsat. Truh dang ei, tơdrong iŏk kơmẫu hlôi jang đang tơ̆ 9 pơsat, đei 6 pơsat tơ̆ dêh char Đắk Nông (so), 2 pơsat găh dêh char Lâm Đồng (so) păng 1 Pơsat linh tơ̆ xăh Đức Linh, dêh char Bình Thuận (so).
Dang ei dôm khul jang kơpal oei akŏm jơhngâm chă iŏk kơmẫu tơ̆ Pơsat linh Đà Lạt, anih oei ƀŭ hlŏh 2.200 ‘nu linh lôch tang ăn teh đak, lơ̆m noh đei 651 tŏ pơsat athei iŏk kơmẫu kơting vă set hơlen ADN. Đơ̆ng rŏng kơ ‘nŏh, dôm anih jang vă năm jang dơ̆ng tơ̆ Pơsat linh dêh char Bình Thuận so, hăm 3.431 tŏ pơsat vă iŏk kơmẫu kơting.
Viết bình luận