Lơ̆m noh, tơdrong hơnơ̆ng bơ̆jang kiơ̆ Tơdrong tơchơ̆t kơsô̆ 18-NQ/TW đơ̆ng Khŭl chĕp kơ̆l pơgơ̆r Trung ương găh "Mĭnh ƀar tơdrong găh hơnơ̆ng tơplih ‘nao, proh hơmet khŭl jang kơ anih jang chĭnh trĭ tŏ sĕt bơngai, bơ̆jang đei yua, jơnei” iŏk đei tơdrong bơngơ̆t truh gĭt kăl. Hơdai hăm dôm jơnei iŏk đei lơ̆m bơ̆jang kiơ̆ tơdrong Tơchơ̆t 18, dôm bơngai tang măt kŭm tơroi dôm tơdrong mơmat tat, tơhlăk tơhlĭn lơ̆m kơplăh bơ̆jang kiơ̆.

1,2 nơ̆r tơgop akhan, tơdrong proh hơmet khŭl jang hlôi ƀơm ưh kơ ‘lơ̆ng truh jơhngơ̆m đon tơchĕng đơ̆ng kang ƀô̆, đảng viên, bơngai jang teh đak. Hơdai hăm, pơm ăn tơdrong hiơ̆ lơ̆m bơ̆jang, ƀơm ưh kơ ‘lơ̆ng truh tơdrong bơ̆jang kiơ̆ hơnăp jang đơ̆ng rim anih jang. Bí thư Anih jang Đảng dêh char Đắk Lắk Nguyễn Đình Trung pơma hơdăh, đơ̆ng rŏng kơ hŭt apŭng, xăh gô pŭ iŏk lơ hơnăp jang hloh, athei tơdrong jang proh hơmet kang ƀô̆ athei vei sơđơ̆ng đei yua, jơnei.