Tơ̆ jơ pơm jang, Khul jang hơlen lăng akŏm pơma đam gah tơdrong jang tơroi tơbăt, pơtho pơhrăm tơdrong iŏk yua internet sơđơ̆ng 'lơ̆ng ăn đe hơ-ioh; tơdrong jang hơdoi đơ̆ng unh hnam, hnam trưng păng jơnŭm pơgơ̆r tơring lơ̆m vei vêr đe hơ-ioh lơ̆m tơdrong jang mạng. Kiơ̆ tơroi, đơ̆ng sơnăm 2021 truh dang ei, Đăk Lăk pơih đei 27 lăm hŏk gah sơnong kơ đe hơ-ioh, tang găn păng tơjră teh dong, pơm kơnê̆ hăm đe hơ-ioh păng hŏk gah tơdrong vei vêr đe hơ-ioh lơ̆m tơdrong jang mạng.

Lơ tơdrong jang tơroi tơbăt đei pơm jang tơ̆ hnam trưng hŏk, tơ̆ hơnih oei xa păng dôm tơdrong tơroi tơbăt nai lơ̆m tơpôl. Rim hơnih jang kơpal kơ Đăk Lăk hlôi băt đei, jang atŭm sek tơlang hloh 150 'nu hơ-ioh ƀơm pơrăm kơnê̆, đei đơ̆ng tơdrong tơhĭl lơ̆m mạng tơpôl, pơkă tơƀơ̆p dih băl vă sek tơlang tơdrong tơhĭl dah mă hơtŏk tơbang clip teh dong dih băl lơ̆m mạng, mă lơ noh đei ƀôh hăm đe hŏk tro jăl trŭng hŏk kơ sơ.