Hăm hơnăn "Tơbôl Jang hơdoi tơroh sơlam teh", Hop akŏm đei 'măng pơma đam gah dôm tơdrong Jang hơdoi Tơroi tơbăt păng Kơ̆l 'ngok tơchăr hơgei tơroh lơ teh đak: Trong jang 'nao gah jên hu păng pơlei tơm gơh hơgei; Tĕch pơdro lơ̆m apŭng plenh teh: Vei sơđơ̆ng tơmam drăm xa, chơ pơdŭ tơmam drăm păng tơroh logistic đơ̆ng Nga păng rim teh đak ASEAN; jang hơdoi gah unh hơyuh, pơjing hơnih jang păng kŏng ngĭp; păng dôm tơdrong jang hơdoi kơ jơnŭm pơgơ̆r teh đak – tơdrong lui tơ̆ Nga păng ASEAN. Lơ̆m ƀai pơma ah 'măng pơtơm Hop akŏm, Thủ tướng Lê Minh Hưng hlôi tơroi 3 tơdrong jang hơdoi kăp gĭt lơ̆m khei năr truh.

Thủ tướng pơtruh nơ̆r ASEAN păng Nga kăl hơtŏk dôm tơdrong jang hơdoi tơplih 'nao, tơgŭm hơnih jang mŭk drăm kơmăi kơmŏk 'nao păng bơngai jang mŭk drăm mơlôh, pơjing tơdrong jang tơplih 'nao gơh hơgei hơbĕch hơbal, tơroh hơnih jang mŭk drăm 2 pah. Thủ tướng sơkơ̆t hơdah Việt Nam kơchăng pơm gơng tơroh kăp gĭt, tơgop hơtŏk jang hơdoi tĕch pơdro păng asong jang đơ̆ng ASEAN hăm Liên bang Nga, kiơ̆ đơ̆ng noh pơjing mŭk drăm jing tơdrong jang hơdah, pơjing tơdrong pơtoi jang jing trong jang tĕch pơdro hiôk hian, păng pơm ăn đon lui jing tơdrong jang hơtŏk tơ-iung 'nao.