Pơchoh ăn 7 tơdrong jang vă hơnơ̆ng pơm pơkeh hla bơar chih tơbăt pơtôch jang kiơ̆ lơ̆m khei năr kơnh, Tổng Bí thư, Kodră chĕp pơgơ̆r teh đak Tô Lâm pơma hơdăh, hop akom pơtôch jang kiơ̆ kăl lăng tơpăt dôm tơdrong jang tim mă ƀlep, tim mă jơnei, dôm tơdrong tim mă keh đang, dôm tơdrong tơhlăk tơhlin kăl hơnơ̆ng hơmet pơ ‘lơ̆ng; adoi, kăl pơm hơdăh dôm trong vă jang kiơ̆ jơnei nhen: sơkơ̆t hơdăh trong tơlĕch ăn pơm tơm hơdrĕch hơdrung păng chủ nghĩa xã hội; hơnơ̆ng tơplih ‘nao tơchăr ‘moi kiơ̆ vei kơjăp trong tơlĕch ăn; kon pơlei ‘noh tơm; tơ iung pơjing Đảng rơgoh ‘lơ̆ng, pran kơjăp iăp kơtang tôm tong; hơmet pơ ‘lơ̆ng trŏ ƀlep rim tơdrong đei ƀơm dih băl tih tên … Tổng Bí thư, Kơdră chĕp pơgơ̆r teh đak athei, mă kăl lăng kơjăp sơkơ̆t hơdăh trong lăng păng trong chĕp pơgơ̆r atŏk tơ iung teh đak lơ̆m 100 sơnăm kơnh. Ƀok jei athei, tơgoăt iok, akom đĭ đăng jơhngơ̆m đon gơh hơgei lơ̆m Đảng, kơ rim hơnih bơ̆jang chă tơchĕng hơlen, rim bơngai khoa hŏk, khul joăt jang, rim jơhnơr chĕp pơgơ̆r, vei lăng kiơ̆ rim chăl. ‘Ngoăih dôm sơnong jang kơdih, kăl jang ‘lơ̆ng bơ̆ jang chĕp pơgơ̆r jang kiơ̆, kơ yuơ tơdrong jang tih, pơkoel iung jang kiơ̆ tôch kơtang, jơ ‘năr yak hloh tôch tĕnh koăng, kơ yuơ lơ loh tơdăh chĕp pơgơ̆r tơdrong jang ưh kơ ‘lơ̆ng lei tơnap mă bơ̆ jang keh đang ‘lơ̆ng hơ iă ôh.