Mă hơdăh, lăp đơ̆ng rŏng hơgrop, pơlei tơm Gia Nghĩa, đơ̆ng 8 tơring phương, gô lê̆ pă 3 phương; apŭng Cư̆ Jut đơ̆ng 7 tơring lê̆ pă 3 tơring. Apŭng Dak Mil đơ̆ng 10 tơring, thĭ trân lê̆ pă 4 tơring; apŭng Krông Nô đơ̆ng 11 tơring păng thĭ trân hơgrop jing pă 4 tơring; apŭng Dak Glong đơ̆ng 7 tơring hơgrop jing pă 3 tơring; apŭng Đak Song đơ̆ng 9 tơring, thĭ trân lê̆ pă 4 tơring; apŭng Dak Rlâp đơ̆ng rŏng hơgrop 11 tơring thĭ trân lê̆ pă 3 tơring; apŭng sơlam teh đak Tuy Đức đơ̆ng 6 tơring lê̆ pă 3 tơring. Tơdrong hơmet ming dơ̆ng tơring lơ̆m dêh char Dak Nông vă pơih să cham char atŏk tơ iung ăn tơring, atŏk kơtang jơnei bơ̆ jang vei lăng, khul kơdră kơtoei, bơ̆ jang ‘lơ̆ng, lăng truh atŏk tơ iung sơđơ̆ng păng kơjăp lơ̆m chăl ‘nao.